Rusiya xarici işlər nazirinin müavini, Rusiya Federasiyası prezidentinin Yaxın Şərq və Afrika ölkələri üzrə xüsusi nümayəndəsi Mixail Boqdanov bəyan edib ki, Fələstinin Qərb tərəfindən tanınması çox gecdir. Bu barədə TASS məlumat yayıb.
Diplomatın sözlərinə görə, Qərbin Fələstini tanıması düzgün istiqamətdə atılan addımdır. Bununla belə, Boqdanov vurğulayıb ki, bu addımlar çox gecdir. Qərb dövlətləri Fələstin dövlətinin müstəqilliyini tanımaq barədə düşünmək üçün çox uzun vaxt aparıblar.
Boqdanov xatırladıb ki, Fələstinin müstəqilliyi Sovet İttifaqı tərəfindən tanınıb. Və bu tanınma mücərrəd bəyannamə deyildi, konkret siyasi və diplomatik addımların atılmasını nəzərdə tuturdu.
Mənbə: TASS
