Braziliya və Cənubi Afrikada fosil dəlillərini araşdıran elm adamları Ediakaran dövrünün sonunda, təxminən 590-560 milyon il əvvəl Yerin maqnit sahəsinin indikindən 30 dəfə zəif olduğu qənaətinə gəliblər. Materialı Communications Earth & Environment jurnalında dərc edən tədqiqatçıların fikrincə, sahənin zəifləməsi çoxhüceyrəli həyatın sürətli təkamülünə imkan verdi.
“Ənənəvi olaraq “Kembri partlayışının” Ediakar erasının sonunda havada və suda oksigenin konsentrasiyasının kəskin artması nəticəsində baş verdiyinə inanılır. Ölçmələrimiz göstərir ki, atmosferdə və hidrosferdə oksigen konsentrasiyasının artması, təxminən 30 milyon il davam edən planetin maqnit sahəsinin kəskin zəifləməsi ilə bağlı olub”, – tədqiqatçılar bildirir.
Roçester Universitetinin professoru Con Tardunonun başçılıq etdiyi bir qrup alim proterozoy erasında bir neçə müxtəlif dövrlərdə əmələ gələn torpaq süxurlarının nümunələrinin tədqiqi əsasında belə qənaətə gəlib. Alimlər izah edirlər ki, maqnit sahəsinin 30 dəfə zəifləməsi oksigen konsentrasiyasının bir neçə faiz artmasına səbəb olub – bu, çoxhüceyrəli həyatın formalaşması üçün əlverişli şərait yaradıb.
Mənbə: Lenta.ru
