ABŞ prezidenti Co Bayden və İsrailin baş naziri Benyamin Netanyahu arasında telefon danışığı olub, onlar Fələstin-İsrail münaqişəsi ətrafında vəziyyəti müzakirə ediblər. Bu barədə TASS Ağ Evin rəsmi bəyanatına istinadən xəbər verir.
Bəyanatda qeyd edilir ki, ABŞ lideri artıq anklavın sərhədini keçmiş Qəzza zolağına humanitar yardımla iki konvoyun göndərilməsini alqışlayıb. Bayden və Netanyahu Qəzzaya humanitar yardımların davam edəcəyini təsdiqləyiblər.
Bayden həmçinin iki amerikalı girovun azad edilməsində göstərdikləri dəstəyə görə İsrail hakimiyyətinə minnətdarlığını bildirib. Fələstinin HƏMAS hərəkatında qalan bütün girovların azad edilməsi və Qəzzanı tərk etmək istəyən ABŞ vətəndaşlarının təhlükəsiz keçidinin təmin edilməsi üçün səylərin davam etdirilməsi müzakirə edilib.
Mənbə: TASS
v
