İntellektual chatbot ChatGPT-ni yaradan Amerikanın OpenAI texnologiya şirkəti Sora adlı yeni süni intellekt (AI) alətinin istifadəyə verildiyini elan edib. Müəssisənin rəsmi saytına əsasən, mətn təsvirindən istifadə edərək videolar yaratmaq üçün nəzərdə tutulub.
Təsvirə görə, Sora bir dəqiqəyə qədər davam edən “mətn təlimatları əsasında real və yaradıcı səhnələr yarada bilir”.
Şirkət qeyd edib ki, AI modeli təsvir olunan obyektlərin real dünyada necə mövcud olduğunu təsəvvür edir, həmçinin rekvizitləri dəqiq şərh edə və “güclü emosiyaları ifadə edən cəlbedici personajlar” yarada bilər.
Mənbə: TASS
