Fransa jandarmiyası zirehli maşınları Paris yaxınlığındakı Rungis bazarına aparıb və etiraz edən fermerlərin qarşısını kəsməyi planlaşdırıb. Bu barədə şəhər prefekturası X sosial şəbəkəsində məlumat yayıb.
“Daxili İşlər Nazirliyinin rəhbəri Gerald Darmaninin əmrinə əsasən, hər hansı blokadanın qarşısını almaq üçün Rungis və Roissy ətrafına müdafiə vasitələri yerləşdirilib. Hadisə yerində jandarma zirehli texnikasının dəstəyi ilə mobil polis qrupları hazırdır”, – deyə məlumatda bildirilir.
Yanvarın 28-də Gerald Darmanin paytaxt regionunun hüquq-mühafizə orqanlarına Parisin tam mühasirəyə alınmasının qarşısını almağı tapşırıb.
Mənbə: Gazeta.ru
