Yanvarın 12-nə keçən gecə Böyük Britaniya və ABŞ Yəməndəki Ənsar Allah hərəkatının hərbi obyektlərinə hava zərbələri endirməyi planlaşdırır. Bu barədə X sosial şəbəkəsində (əvvəllər Twitter kimi tanınırdı) The Times qəzetindən jurnalist Stiven Svinford məlumat verib.
Onun sözlərinə görə, Böyük Britaniyanın baş naziri Rişi Sunak hökumət üzvlərinə hərbi müdaxilənin qaçılmazlığı barədə həmin gün axşam saatlarında məlumat verib. Qeyd olunur ki, hökumətin planları barədə müxalif Leyboristlər Partiyasının lideri Key Starmer və Britaniya parlamentinin İcmalar Palatasının sədri Lindsi Hoyl da məlumatlandırılıb.
Eyni zamanda, Yəmənin Ənsar Allah hərəkatının lideri Abdel Malek əl-Husi husilərin nəzarətində olan əyalətlərdə səfərbərlik elan edib. Əl-Husi həmçinin döyüş hazırlığını davam etdirməyə, nümayişlərə və yürüşlərə getməyə və Husilərə pul bağışlamağa çağırıb.
Mənbə: TASS
