“Qadınlar qadınlar üçün: Gəlin, Vətəndaş Cəmiyyəti olaraq təşkilatlanaq” təşəbbüsü çərçivəsində Gəncə şəhəri və Göygöl rayonunda İcma görüşləri keçirilmişdir.
İctimai.az xəbər verir ki, İcma görüşlərində Gəncə Şəhər İcra Hakimiyyəti yanında Monitorinq komissiyasının üzvləri, Göygöl Rayon İcra Hakimiyyəti yanında Monitorinq komissiyasının üzvləri, Ailə, Qadın və Uşaq problemləri üzrə Dövlət Komitəsinin Göygöl Ailələrə Dəstək Mərkəzi, Bələdiyyələrdə fəaliyyət göstərən Gender komissiyasının üzvləri və bələdiyyə üzvü olan qadınlar, icma liderləri, QHT nümayəndələri, sahibkar qadınlar, mədəniyyət, səhiyyə və təhsil sahəsində çalışan ictimai fəallar iştirak etmişdirlər. Görüşlərin keçirilməsində əsas məqsəd Gəncə şəhərində və Göygöl rayonunda yerli səviyyədə müxtəlif sahələrdə qadınların iştirakçılığını, məişət zorakılığının hansı förmalarının daha çox baş verdiyini və səbəblərini, qadınların cinayət törətmələrinin səbəbləri, qızların orta ümumtəhsil məktəblərində və universitetlərdə təhsilə əlçatanlığı, regionda qadın sahibkarlığının vəziyyəti və Vətəndaş Cəmiyyətinin fəaliyyəti, fiziki məhdudiyyəti olanların həyat tərzi və əlçatanlıqları və s. birlikdə müzakirə etmək idi. Görüşdə fəaliyyət göstərən Monitorinq komissiyasının üzvləri və Bələdiyyə nəzdində fəaliyyət göstərən Gender komissiyasının üzvlərinin məlumatları səsləndi və müzakirə edildi. Səslənən fikirlərdə erkən nikahların hələ də baş verdiyi, boşanmaların olduğu, ailələrdə fiziki şiddətin baş verdiyi halların olduğu, Gəncədə erkən nikahların geniş olmasa da baş verdiyi, boşanmaların çoxaldığı, məişət zorakılığı hallarının olduğu diqqətə çatdırıldı. Qadın sahibkarların fəaliyyətləri müzakirə edildi. Onların məşğulluqla bağlı səsləndirdikləri iradlar, bazara çıxışlarının zəif olması, kredit güzəştlərinin olmaması məşğulluğa mane olan səbəb kimi səsləndi. Gəncədə qızların təhsildən yayınma hallarının olmadığı, şəhər üzrə universitetlərə qəbul olunanlar sırasında qızların həmişə yüksək olması səsləndi. diqqətə çatdırıldı. Həmçinin Ailə, Qadın və Uşaq problemləri üzrə Dövlət Komitəsinin Göygöl Ailələrə Dəstək mərkəzinin müzakirə edilən məsələlərlə bağlı təcrübəsi paylaşıldı. Mərkəzin nümayəndəsi qızların təhsildən yayınma hallarının azaldığı, rayon üzrə universitetlərə qəbul olunanlar sırasında qızların sayının artımının müşahidə olunması fikrini səsləndirdi. Gəncə şəhəri və Göygöl rayonu üzrə BMT-nin 1.4; 4.5; 5.3; Dayanıqlı İnkişaf Məqsədlərinə uyğun aparılacaq araşdırmanın nəticəsi olaraq hazırlanacaq Siyasət sənədinin müzakirəyə verilməsi zamanı icma üzvlərinin fəal olması və problemlərin həllinə birlikdə nail olmaq fikri səsləndi.
“Qadınlar qadınlar üçün: Gəlin, Vətəndaş Cəmiyyəti olaraq təşkilatlanaq” təşəbbüsü Avropa İttifaqının maliyyələşdirdiyi və BMT-nin İnkişaf proqramının icra etdiyi “Azərbaycanda İnnovasiya Əsaslı və Dayanıqlı Vətəndaş Cəmiyyətinin İnkişafı” layihəsi çərçivəsində GenderLAB MMC tərəfindən həyata keçirilir. Hədəf ərazisi Gəncə şəhəri, Lerik və Gögöl rayonlarıdır. Əsas məqsəd hər bir rayonda yerli səviyyədə vətəndaşların maraqlarını ifadə edə bilən 5 qadından ibarət Qadın Təşəbbüs qruplarının yaradılması, qadın iştirakçılığı, məişət zorakılığı, təhsilə əl çatanlıqla bağlı araşdırmanın aparılması və siyasət sənədinin hazırlanmasıdır.
Təşəbbüs Azərbaycan Respublikasının da qoşulduğu BMT-nin 1.4; 4.5; 5.3; Dayanıqlı İnkişaf Məqsədlərinə cavab verir.
