İnsanların və yüklərin daşınması üçün yeraltı yüksək sürətli xətlər çəkməyi planlaşdıran Amerikanın Hyperloop One şirkəti fəaliyyətini dayandırır. Bu barədə Bloomberg öz mənbələrinə istinadən məlumat yayıb.
Jurnalistlərin bildiyi kimi, şirkət işçilərinin əksəriyyətini işdən çıxarıb və qalan aktivlərini, o cümlədən Las Veqas yaxınlığındakı sınaq meydançasını satmağa çalışır.
2022-ci ilin əvvəlində Hyperloop One-da 200-dən çox insan işləyirdi. Şirkət həmçinin Los-Ancelesdəki ofisini də bağladı. Aktivlərin satışına nəzarət etmək tapşırılan qalan işçilərə işlərinin dekabrın 31-də bitəcəyi bildirilib. Startapın qalan əqli mülkiyyəti Dubayda yerləşən DP World konqlomeratına veriləcək.
Hyperloop One 2014-cü ildə yaradılıb və yarandığı gündən bəri 450 milyon dollardan çox investisiya cəlb edib. Təşkilat milyarder İlon Maskın analoji layihəsi ilə rəqabət apararaq yeni növ nəqliyyat sistemi hazırlamağı planlaşdırırdı.
Mənbə: Gazeta.ru
