İsrail hakimiyyəti hərbi əməliyyatlar başlamazdan əvvəl fələstinlilərə Rəfah şəhərini tərk edərək Qəzza zolağının cənubundakı digər ərazilərə köçməyə icazə verəcək. Bu barədə İsrail rəsmilərinə istinadən NBC telekanalı məlumat yayıb.
Onların sözlərinə görə, fələstinli mülki şəxslərin Rəfahı tərk edəcəkləri dəqiq ərazilər və marşrutlar hələ müəyyən edilməyib.
Eyni zamanda, NBC telekanalının məlumatına görə, fələstinlilərin Qəzza zolağının şimal hissəsində yerləşən evlərinə qayıtmasına icazə verilməyəcək. Hazırda Rafahda anklavda gedən döyüşlər nəticəsində qaçqın vəziyyətinə düşmüş 1,4 milyona yaxın fələstinli var.
Mənbə: NBC
