Şimali Koreya 600 mm-lik çoxlu buraxılış raket sistemlərindən (MLRS) istifadə edərək simulyasiya edilmiş nüvə əks-hücumunu həyata keçirmək üçün taktiki təlimlər keçirib. KCNA xəbər agentliyinin məlumatına görə, təlimlərə Şimali Koreya lideri Kim Çen In rəhbərlik edib.
Bildirilir ki, təlimlərdə “Nüvə silahının tətiyi” və “Vulkan xəbərdarlığı” sistemlərindən istifadə olunub.
Bundan əvvəl Yaponiya hökumətinin baş katibi Yosimasu Hayaşi bildirmişdi ki, Yaponiya aprelin 22-də KXDR-in həyata keçirdiyi raket sınaqlarına görə Çindəki kanallar vasitəsilə Şimali Koreyaya etiraz göndərib. Onun sözlərinə görə, Şimali Koreyanın ballistik raketi təxminən 250 km uçaraq 50 km uçuş hündürlüyünə çatıb və bundan sonra Yaponiyadan kənara düşüb. İlkin məlumata görə, mərmi gəmilərə və təyyarələrə heç bir ziyan vurmayıb.
Mənbə: KCNA
