Sputnik Litva Teleqam kanalı xəbər verir ki, Litva Seymi Rusiya və Belarus vətəndaşlarının vətənlərinə gediş-gəlişinin məhdudlaşdırılması təklifini rədd edib.
20 deputat Rusiya və Belarus vətəndaşlarının öz ölkələrinə ildə bir dəfədən çox səfər etdikləri təqdirdə müvəqqəti yaşamaq icazəsindən məhrum edilməsinin lehinə çıxış edib. 47 nəfər belə qərarın əleyhinə, 45 nəfər isə bitərəf qalıb.
Öz növbəsində, hər üç aydan bir səfərə icazə verilməsi təklifinin lehinə 41 deputat, əleyhinə 37 deputat səs verib, daha 39 deputat bitərəf qalıb.
Seym deputatı Kaspars Adomaitisin sözlərinə görə, irəli sürülən təklif dar bir səyahətçi dairəsini əhatə etdiyi üçün “tamamilə adekvat deyil”. Bundan əlavə, bəlli deyil ki, niyə yalnız belarusların vətənlərinə qayıtmasına qadağa qoyulmalıdır, deyə parlamentari qeyd edib.
“Niyə litvalılar Belarusa səyahət edə bilirlər və heç bir məhdudiyyətə məruz qalmırlar? Onlar da milliyyətindən asılı olmayaraq işə götürülə bilərlər”.
Mənbə: Lenta.ru
