Macarıstanın baş naziri Viktor Orban 1956-cı il antisovet qiyamının ildönümü ilə bağlı çıxışı zamanı bildirib ki, Avropa İttifaqının təzyiqləri Sovet hakimiyyətinin hərəkətlərini xatırladır. O qeyd edib ki, bu gün bəzi hadisələr sovet dövrünü xatırladır, tarix bəzən təkrarlanır. Orban iddia edir ki, Brüssel Macarıstana liberal demokratiya modelini tətbiq edir, onlar bunu rədd edirlər. O, əvvəllər “liberal olmayan dövlət” yaratmaq məqsədindən danışıb və digər Qərb ölkələrini, o cümlədən Avropa İttifaqının rəhbərliyini tənqid edib. Bu barədə “The Washington Post” məlumat yayıb.
“Xoşbəxtlikdən, bir vaxtlar faciə olan şey indi ən yaxşı halda komediyaya çevrilib. Brüssel Moskva deyil. Moskva faciəsi idi. Brüssel sadəcə olaraq pis müasir parodiyadır”, – siyasətçi deyir.
Macarıstanda sovetyönlü rejimə qarşı üsyan 1956-cı il oktyabrın 23-də başlayıb və noyabrın ortalarına kimi sovet qoşunları tərəfindən tamamilə yatırılıb. Eyni zamanda, BMT Baş Assambleyası SSRİ-ni Macarıstana silahlı hücumları və onun daxili işlərinə qarışmağı dayandırmağa çağıran qətnamələr qəbul etdi.
Mənbə: The Washington Post
