Hazırda Varşavanın Moskva və Minsklə fikir ayrılıqlarını danışıqlar yolu ilə həll etmək üçün siyasi iradəsi yoxdur, Polşa hakimiyyətinin hərəkətləri ilə razılaşmadığı üçün Polşadan Belarusa gedən keçmiş polşalı hakim Tomaş Şmidt deyir. Bu barədə o, Telegram kanalında yazıb.
Şmidt Polşanın baş naziri Donald Tuskun Polşa sərhədindəki hasarın modernləşdirilməsi niyyətini tənqid edərək, bunu “dəmir pərdə” çəkmək və Belarus və Rusiyanı potensial təcavüzkar kimi göstərmək cəhdi adlandırıb.
“Əgər hər hansı problem varsa, o zaman qonşunla masa arxasında oturub söhbət etməlisən. Varşava hökumətinin belə bir iradəsi yoxdur”, – deyə Şmidt yekunlaşdırıb.
Mənbə: TASS
