Qazaxıstanın baş prokurorunun müavini Aset Çindaliev bildirib ki, rusiyalı haker Nikita Kislitsının ekstradisiyası bir ildən çox çəkə bilər. Bu barədə Qazaxıstanın orda.kz resursu məlumat yayıb.
Çindəliyevin sözlərinə görə, ekstradisiyadan əvvəl yoxlama bir ilə qədər davam edir. Bu, şəxsin ekstradisiyası ilə bağlı tərəflərin bütün mövcud arqumentlərinin öyrənilməsini nəzərdə tutur.
İyunun 22-də Kislitsın Almatı hava limanında saxlanılıb. Rusiyada o, qanunla qorunan kompüter məlumatlarına qanunsuz daxil olmaqda, habelə bir qrup şəxs tərəfindən ilkin sui-qəsdlə təşkil edilmiş hədə-qorxu ilə tələb etməkdə ittiham olunur. Rusiya hüquq-mühafizə orqanları hakeri federal axtarışa verib. Lakin o, Kislitsın 2012-ci ildə Formspring sosial şəbəkəsini sındırmaqda və onun istifadəçilərinin məlumatlarını oğurlamaqda şübhəli bilinən ABŞ-ın tələbi ilə saxlanılıb.
Mənbə: A Haber
