BRİKS ölkələri vahid valyuta yaratmağı planlaşdırmır.
Bunu Cənubi Afrika Xarici İşlər Nazirliyinin nümayəndəsi Kleyson Monaila X sosial şəbəkəsində ABŞ-ın seçilmiş prezidenti Donald Trampın tariflərlə bağlı təhdidlərini şərh edərkən bildirib.
Onun sözlərinə görə, bu yalan rəvayətin yayılmasına düzgün olmayan məlumat səbəb olub.
“BRİKS yeni valyuta yaratmağı planlaşdırmır. Müzakirələr bizim (BRIKS üzvləri) öz valyutalarımızdan istifadə etməklə ticarətlə bağlıdır”, – deyə o, aydınlaşdırıb.
O qeyd edib ki, assosiasiya Yeni İnkişaf Bankının sahibidir və o, üzv dövlətlərdə və digər inkişaf etməkdə olan iqtisadiyyatlarda infrastrukturun inkişafı layihələrinə 30 milyard dollar sərmayə qoyub. ABŞ kimi BRİKS-in beş orijinal ölkəsinin hamısı da G20-nin üzvləridir.
