Beynəlxalq Valyuta Fondunun (BVF) idarəedici direktoru Kristalina Georgiyeva bildirib ki, son illər beynəlxalq ticarətə qoyulan məhdudiyyətlərin sayı dörd dəfə artıb və bu, qlobal iqtisadiyyata dağıdıcı təsir göstərir. TASS bu barədə Georgiyevanın Ər-Riyadda Dünya İqtisadi Forumunun xüsusi sessiyasındakı çıxışına istinadən xəbər verir.
BVF rəhbərinin sözlərinə görə, biz son illərdə ticarət məhdudiyyətlərinin dörd dəfə artdığını müşahidə etmişik. Onlardan 2,5 mini qəbul olunub. Georgieva hesab edir ki, onların 70%-i dağıdıcıdır, ticarətə son dərəcə mənfi təsir göstərir.
BVF rəhbəri hökumətlərin öz iqtisadiyyatlarını karbondan təmizləmək və enerji keçidini təmin etmək üçün tətbiq etdiyi ticarət məhdudiyyətlərinin müdrikliyinə şübhə etdiyini bildirib.
Mənbə: TASS
