Livan ordusu İsraillə sərhəddən geri çəkilmə xəbərlərini təkzib edib. Bu barədə Press TV məlumat yayıb.
“Livan Ordusu işğal olunmuş Fələstinlə cənub sərhədindəki mövqelərdən geri çəkilmə iddialarını rədd edir”, – bəyanatda deyilir.
Bundan bir qədər əvvəl Reuters mənbəyə istinadən xəbər vermişdi ki, Livan ordusu İsraillə cənub sərhədi boyunca mövqelərindən təxminən 5 kilometr geri çəkilib.
Oktyabrın 1-nə keçən gecə İsrail Müdafiə Qüvvələri (IDF) Livanın cənubunda Hizbullaha qarşı məhdud quru reydlərinin başladığını elan edib.
