Cənubi Koreya münaqişə zonasında Ukraynaya öz ordusunu göndərmək qərarına gələrsə, Ukraynada vəziyyət kəskin şəkildə gərginləşə bilər.
Bu barədə amerikalı milyarder İlon Mask X sosial şəbəkəsində bildirib.
“Vəziyyət gərginləşir” deyə iş adamı yazıb.
Yonhap xəbər agentliyi oktyabrın 21-də Cənubi Koreyanın hakimiyyət orqanlarının Ukraynaya hərbi personal göndərə biləcəyi barədə məlumat yayıb. Mənbə jurnalistlərə bildirib ki, Seul Pxenyanın Rusiyaya dəstək üçün göndərdiyi iddia edilən Şimali Koreya hərbçilərinin hərəkətlərini izləmək üçün bir qrup kəşfiyyatçı göndərməyi planlaşdırır. Bundan əlavə, Cənubi Koreya hərbçiləri Ukrayna Silahlı Qüvvələri tərəfindən əsir götürülən Şimali Koreya əsgərlərinin dindirilməsində iştirak edə biləcəklər.
