Şimali Atlantika Alyansı Rusiyanın nüvə doktrinasına edilən düzəlişlərdən xəbərdardır, lakin NATO nüvə silahından istifadə təhlükəsini görmür.
RİA Novosti xəbər verir ki, bunu NATO-nun yeni baş katibi Mark Rutte deyib.
“Biz Kremldən təhdidlər eşitdik. Bununla belə, biz nüvə silahından istifadə ilə bağlı heç bir təhlükə görmürük”, – deyə o vurğulayıb.
Bundan əvvəl Rusiya Federasiyasının xarici işlər nazirinin müavini Sergey Ryabkov bildirib ki, Rusiya prezidenti Vladimir Putin Rusiya Federasiyasının nüvə doktrinasının yenilənməsi üçün dəqiq göstərişlər verib.
