Rusiya prezidenti Vladimir Putin Rusiyanın Federal Tibbi və Bioloji Agentliyinin (FMBA) rəhbəri Veronika Skvortsova ilə görüşündə Rusiya xərçənginə qarşı peyvəndin tətbiqinin sıçrayış olacağını bildirib.
Görüşün stenoqramını Kremlin mətbuat xidməti dərc edib.
Skvortsova prezidentə dərman üzərində aparılan işlər barədə məlumat verib. Onun sözlərinə görə, bir ildən sonra FMBA xərçəng peyvəndi istifadəyə hazır ola bilər.
Avqust ayında agentlik rəhbəri bədxassəli yenitörəmələrin ən aqressiv və sürətlə böyüyən formalarından olan kolorektal xərçəng, melanoma və qlioblastomanın müalicəsi üçün vaksinlərin hazırlandığını bildirmişdi.
O qeyd edib ki, kolorektal xərçəngə qarşı dərman artıq klinikadan əvvəlki tədqiqatların tam silsiləsindən keçib və istifadəyə hazırdır.
