Ukrayna Silahlı Qüvvələrinin Krasnodar diyarının Temryuk rayonunda neft bazasına pilotsuz uçuş aparatları ilə hücumu nəticəsində güclü yanğın baş verib və bir neçə əməkdaş yaralanıb. Bu barədə vilayətin qubernatoru Veniamin Kondratyev öz Telegram kanalında məlumat verib.
Onun sözlərinə görə, mayın 31-nə keçən gecə hava hücumundan müdafiə sistemləri Kubanın bir neçə bələdiyyəsinə Ukrayna pilotsuz təyyarələrinin hücumlarını dəf edib. Novorossiyskdə mütəxəssislər vurulan pilotsuz təyyarələrin düşə biləcəyi ərazini araşdırır. Kondratyev qeyd edib ki, hücumdan sonra şəhərdə tələfat və dağıntı olmayıb.
Bununla belə, Temryuk rayonunda neft anbarı Ukraynaya məxsus PUA-ların hücumları nəticəsində yanıb.
Mənbə: TASS
