Çinin Anhui Tibb Universitetinin İkinci Xəstəxanasının alimləri müəyyən ediblər ki, flavonolların, xüsusi bitki birləşmələrinin istehlakı bir çox xəstəliklərdən ölüm riskinin azalması və sağlamlığın yaxşılaşması ilə əlaqələndirilir. Tədqiqatın nəticələri Scientific Reports (Sci Rep) jurnalında dərc olunub.
Araşdırmaya yaşı 20-dən yuxarı olan 11679 nəfər daxil olub. Alimlər xüsusi anketlərdən istifadə edərək subyektlərin sağlamlıq vəziyyəti haqqında məlumat toplayıblar. Tədqiqatçılar həmçinin iştirakçılardan bəzi laboratoriya testləri və tibbi müayinələrdən keçmələrini xahiş ediblər.
Bundan əlavə, elm adamları müxtəlif qidalarda (əsasən bitki mənşəli) istehlak edilən flavonolların dəqiq miqdarını hesablamaq üçün könüllülərin qidalanma vərdişləri haqqında məlumat əldə ediblər. Qeyd olunur ki, flavonollar çay, soğan, meyvə və giləmeyvələrdə çox olur.
Mənbə: Gazeta.ru
