Pəhrizdə işlənmiş qidaların nisbətinin azaldılması və balıq, qoz-fındıq, meyvə və tərəvəzlərin nisbətinin artırılması qadınlarda qan yağlarının səviyyəsini əhəmiyyətli dərəcədə azaldır. Bunu “Nutrients” jurnalında dərc olunan araşdırma göstərib.
Alimlər 2011-12-ci illərdə avstraliyalıların səhhəti ilə bağlı aparılan geniş araşdırmanın məlumatlarından istifadə ediblər. Onlar qadınların qanında triqliseridlərin (yağların) səviyyəsinin pəhrizdəki dəyişikliklərlə necə dəyişəcəyini təxmin etməyə imkan verən model hazırlayıblar. Qandakı yağların yüksək səviyyələri piylənmə, ürək xəstəliyi və 2-ci tip diabet riskini artırır.
Nəticələr göstərdi ki, emal olunmuş qidaların istehlakının 50% azaldılması və minimal işlənmiş və ya işlənməmiş qidaların istehlakının 25-75% artırılması trigliseridlərin səviyyəsini 2,8% azaldır. İşlənmiş qidalara hazırlamaq üçün bir çox emal mərhələsini tələb edən qidalar daxildir. Çox vaxt bu qidalar yüksək kalorili, şəkərli və yağlıdır, digər qida maddələrində isə aşağıdır. Beləliklə, krakerlər, kartof qızartması, səhər yeməyi taxılları və kolbasa ultra emal edilmiş hesab olunur. İşlənməmiş qidalara meyvələr, tərəvəzlər, qoz-fındıq, göbələklər və ət daxildir.
Mənbə: Gazeta.ru
