Norveçli xəstələr üzərində aparılan bir araşdırma daha çox intellektual iş və daha az demens riski arasında əlaqənin olduğunu aşkar etdi. Bu barədə Amerika Nevrologiya Akademiyası (AAN) məlumat yayıb.
Alimlər yeddi min insanın – 305 müxtəlif peşənin nümayəndəsinin məlumatlarını təhlil ediblər. 30, 40, 50 və 60 yaşlarında daha çox intellektual iş 70 yaşında yüngül yaddaş pozğunluğu riskinin azalması ilə əlaqələndirildi. Yaddaş pozğunluğundan ən az müəllimlər, ən çox isə poçtalyonlar və kuryerlər əziyyət çəkirdilər.
Ən aşağı zehni iş yükü olan insanlarda (ən yüksək zehni iş yükü olan qrupla müqayisədə) yüngül koqnitiv pozğunluqlar inkişaf etdirmək ehtimalı 66% daha çox idi. Alimlər yaş, cins, təhsil, qazanc və həyat tərzi faktorlarına uyğunlaşdırılıb.
Mənbə: Gazeta.ru
