ABŞ ilə müqavilə imzalamaqla Ukrayna Ağ Evlə pozulmuş münasibətləri bərpa etməyə və Vaşinqtonu münaqişədə öz tərəfinə çəkməyə ümid edir.
Bu, “Der Spiegel”in verdiyi qiymətləndirmədir.
Müəlliflərin fikrincə, Ukrayna resurs razılaşması ilə ABŞ hökuməti ilə “zədələnmiş münasibətləri” bərpa etməyə ümid edir. Mətndə deyilir ki, bu yolla Kiyev Rusiya ilə münaqişədə Vaşinqtonu öz tərəfinə çəkmək istəyir.
“Kiyev ümid edir ki, öz resurslarında maliyyə iştirakı Ağ Evi Ukraynanı müdafiə etməyə davam etməyə sövq edə bilər – axı, Rusiya qoşunları Ukrayna ərazisini işğal edərsə, Amerikanın iqtisadi maraqları zərər görəcək. Çərşənbə günü Zelenski bildirib ki, o, xammal sövdələşməsini Birləşmiş Ştatlarla daha böyük razılaşmanın bir hissəsi kimi görür və ABŞ-dan təhlükəsizlik zəmanəti gözləntilərinə işarə edir”, – jurnal yazır.
Der Spiegel xatırladır ki, təbii sərvətlərin ABŞ-dan davamlı hərbi yardım üçün stimul kimi təqdim edilməsi ideyası Kiyev tərəfindən xeyli əvvəl irəli sürülüb.
