Almaniya sakinləri Ukraynaya sülhməramlı kimi alman əsgərlərinin göndərilməsinin əleyhinədirlər, Civey sorğusuna əsasən məlum olub. Bu barədə t-online portalı məlumat yayıb.
Nəşr vurğulayır ki, Şərqi Almaniyada respondentlərin 67%-i, Qərbi Almaniyada respondentlərin 49%-i əsgər göndərilməsi ideyasına qarşı çıxıb.
Şərqi Almaniyada vətəndaşların 25%-i, Qərbi Almaniyada isə 37%-i qoşun göndərilməsini dəstəkləyib.
Təşəbbüsü dəstəkləyən siyasi qrupların əksəriyyəti Yaşılların nümayəndələri olub – 75%.
Dekabrın 14-də Bundestaqın Müdafiə Komitəsinin sədri Markus Faber alman sülhməramlılarının Ukraynaya göndərilməsi ilə bağlı bəyanatları axmaqlıq adlandırıb.
