“Financial Times” qəzetinin (FT) məlumatına görə, NATO-nun keçmiş baş katibi Corc Robertson Keyr Starmerin müdafiə sahəsindəki fəaliyyətini tənqid edib.
Robertsonun sözlərinə görə, İrandakı müharibə Birləşmiş Krallıq üçün “kəskin oyanış” olmalıdır.
O bildirib ki, “Biz hazırlıqsızıq. Müdafiəsizik. Hücum altındayıq. Təhlükəsiz deyilik. Britaniyanın milli təhlükəsizliyi təhlükə altındadır”.
NATO-nun keçmiş baş katibi Yaxın Şərqdəki müharibənin ilk iki həftəsində Britaniyanın Aralıq dənizinə birdən çox hərbi gəmi yerləşdirməməsinə işarə edib.
