Ukraynanın xarici işlər naziri Andrey Sybiha Avropa Birliyinin Ali Nümayəndəsi Kaja Kallas ilə telefon danışığı aparıb və söhbət zamanı Kiyevə 90 milyard avroluq kreditin ayrılması müzakirə olunub. Paylaşım onun sosial media səhifəsində dərc olunub.
Nazir qeyd edib ki, tərəflər Avropa gündəliyinə toxunublar və “ortaq təhlükəsizliyimizi və dayanıqlığımızı gücləndirən əsas qərarların irəliləməsində birlik və impulsun qorunmasının vacibliyini” vurğulayıblar.
“Biz həmçinin Macarıstandakı seçkilərin nəticələri və onların Avropanın gücləndirilməsinə təsiri barədə fikir mübadiləsi apardıq. Mən Ukraynaya davamlı dəstəyi təmin etmək və Avropanı Rusiya təhlükəsindən qorumaq üçün 90 milyard avroluq kreditin blokdan çıxarılmasının vacibliyini vurğuladım”, – Sybiha yazıb.
