Belarus Prezidenti Aleksandr Lukaşenko Rusiya lideri Vladimir Putinin qəfəslərdə balıq yetişdirilməsi üzrə ustad dərsindən danışıb. Bu barədə Belarus dövlət başçısının mətbuat xidməti məlumat verib.
Lukaşenko Putinin Mogilyov vilayətinin Krasnopolski rayonundakı Paluj balıq fermasına səfəri zamanı baş verən hadisəni xatırlayıb. Prezidentə ötən il balıq yetişdirmə sənayesinin fəaliyyəti, eləcə də inkişaf perspektivləri, o cümlədən xüsusi qəfəslərdə sazan yetişdirilməsi kimi bir texnologiyanın inkişafı barədə məlumat verilib. Balıqlar sabit cərəyanlı və ya yüksək axın sürətinə malik su hövzələrində quraşdırılmış tor kameralarında saxlanılır.
“Mən bu qəfəsləri görmüşəm; Putin mənə göllərdə onlardan bəzilərini göstərdi. Biz ora xüsusi olaraq getdik. Hamısı çox təsirli görünür. Çox təsirlidir”, – deyə Lukaşenko izah edib.
Mətbuat xidməti aydınlaşdırıb ki, söhbət Belarus liderinin Kareliyaya səfərindən gedir.
