İraqın İslami Müqaviməti şiə silahlı təşkilatının nümayəndələri ABŞ-ın Suriyadakı Tanf bazasına hücum etdiyini açıqlayıb. Bu barədə TASS hərəkatın sosial şəbəkələrinə istinadən xəbər verir.
Bəyanata görə, Amerikanın Suriyadakı hədəflərinə hücum İsrailin Qəzza zolağında Fələstin əhalisinə qarşı hərəkətlərinə cavab, eləcə də Amerikanın İraq və Yaxın Şərqin ətraf bölgələrində işğalına qarşı ümumi səylərin bir hissəsidir.
Hansı zərbənin vurulduğu məlum deyil. Əl-Tanf bazası Suriyanın cənub-şərqindəki eyniadlı qaçqın düşərgəsində yerləşir – Amerika hərbçiləri BMT-nin mandatı və Suriyanın beynəlxalq səviyyədə tanınmış hakimiyyət orqanlarının dəvəti olmadan qeyri-qanuni olaraq Ərəb Respublikasının ərazisində yerləşir.
Mənbə: TASS
