Avropa İttifaqı və Çin Çin istehsalı olan elektrikli avtomobillər üçün tariflər əvəzinə minimum qiymətlərin müəyyən edilməsi üçün danışıqlara başlayıb. Reuters bu barədə Avropa Komissiyasının nümayəndəsinə istinadən xəbər verir.
Onun sözlərinə görə, Aİ-nin ticarət komissarı Maroş Şefçoviç bu yaxınlarda Çinin ticarət naziri Vanq Ventao ilə danışıb və hər iki tərəf minimum qiymətlərin müəyyən edilməsi imkanını nəzərdən keçirmək barədə razılığa gəlib.
Daha əvvəl Financial Times qəzeti Deutsche Bank-ın baş iqtisadçısı Robin Vinklerin hesabatına istinadən yazıb ki, ABŞ-a idxal olunan mallara rüsumların artırılması Aİ ölkələrini Asiyadan ucuz mallar dalğası ilə alt-üst edə bilər, bununla əlaqədar Aİ fövqəladə tədbirlər tətbiq etməyə hazırlaşır.
