Beynəlxalq bioloq və mühəndislər qrupunun məlumatına görə, quşlar lələkləri vasitəsilə kosmosa istilik yaymaqla özlərini soyuda bilirlər. Tədqiqat İnteqrativ Organizm Biologiyası (IOB) jurnalında dərc olunub.
Tədqiqat az öyrənilmiş bir prosesi araşdırır: heyvanların Yer kürəsi ilə ətraf məkan arasında istilik mübadiləsində necə iştirak etməsi. Məlum olur ki, quş lələkləri onları yalnız soyuqdan və ya həddindən artıq istidən qorumaqla yanaşı, həm də artıq istiliyi atmosferdən kənara effektiv şəkildə “atmağa” kömək edir.
Bioloq Terri Makqlin qeyd edib ki, “lələklərin iqlim dəyişikliyinə cavab olaraq kosmosa istilik yaymaq üçün təkamül keçirdiyini görmək maraqlıdır”.
Tədqiqat üçün alimlər qarğalar, bayquşlar və bildirçinlər də daxil olmaqla beş quş növünün muzey nümunələrini təhlil ediblər. Spektrometrlərdən istifadə edərək, lələklərin ultrabənövşəyi şüalardan infraqırmızı şüalara qədər müxtəlif dalğa uzunluqlarında enerjini necə udduğunu, əks etdirdiyini və yaydığını ölçdülər.
