Müğənni Kessi Ventura (tam adı Cassandra Elizabeth Ventura) Şon “Diddy” Combs-a qarşı məhkəmədə bildirib ki, reper onu “alçaldıcı” seksual hərəkətlər etməyə məcbur edib və həyatına nəzarət edib. Bu barədə BBC məlumat yayıb.
Ventura izah etdi ki, o, Combs ilə 19 yaşında (hazırda 38 yaşındadır) tanış olub və onlar romantik münasibətə başlayıblar. Sənətçinin dediyinə görə, o zaman reper onun həyatını tamamilə “nəzarət edib”: evinin, maşınının pulunu ödəyir, bəzən də cəza olaraq avadanlıqlarını əlindən alırdı.
“Nəzarət hər şeydə idi: baxış tərzimdən tutmuş etdiklərimə qədər” deyə qadın izah edib.
