Serbiya Şimali Atlantika Alyansına və Kollektiv Təhlükəsizlik Müqaviləsi Təşkilatına (KTMT) qoşulmayacaq.
Bu barədə RİA Novosti-yə Serbiyanın baş nazirinin müavini Aleksandr Vulin məlumat verib.
O vurğulayıb ki, Belqrad hərbi neytrallıq siyasətinə ciddi riayət edir və heç bir hərbi blokda iştirakını genişləndirmək niyyətində deyil. Vulinin sözlərinə görə, Serbiya hamı ilə və ilk növbədə onun ətrafındakı ölkələrlə ən yaxşı münasibətləri saxlamağa çalışacaq. Ona görə də ölkə nə NATO-ya, nə də KTMT-yə üzv olmayacaq.
Vulin qeyd edib ki, serblər öz təhlükəsizliklərinə zəmanət verməlidirlər, bu, asan məsələ deyil. Ancaq özünüz haqqında qərar vermək ən dürüst yoldur.
