Çində bədən tərbiyəsi müəllimi təxminən 30 il ərzində 300 uşağı övladlığa götürüb onlara həyatlarını qurmağa kömək etdikdən sonra “Super Ata” ləqəbini qazanıb.
52 yaşlı Bai Jian Anşan şəhərindəki orta məktəbdə işləyir. 1990-cı illərin ortalarından bəri valideyn himayəsindən məhrum olan uşaqlara baxır. Onun kirayə evində istənilən vaxt 20-30 şagird yaşayır.
Media xəbərlərinə görə, 1995-ci ildən bəri onun evindən ən azı 276 uşaq – yetim və ya ailələri tərəfindən tərk edilmiş yeniyetmələr – keçib. Bir çoxu peşəkar idmançı, hərbçi, dövlət qulluqçusu və müəllim kimi uğur qazanıb. Onun 100-dən çox şagirdi ali təhsil alıb və təxminən 50 nəfəri ölkədə ən yüksək idman səviyyəsinə çatıb.
