Marshall Universitetinin pediatrları gündəlik oxumağın bir yaşa qədər körpələrdə dil inkişafını yaxşılaşdırdığını aşkar etdilər.
Tədqiqatçılar araşdırmanın nəticələrini The Journal of the American Board of Family Medicine jurnalında dərc olunan məqalədə təqdim ediblər.
Əgər valideynlər övladlarına iki həftəlikdən başlayaraq hər gün ən azı bir kitab oxuyurlarsa, doqquz aylıq uşaqlarda nitqi başa düşmək və nitqə qeyri-şifahi reaksiyalar daxil olmaqla dil göstəricilərində yaxşılaşma müşahidə olunur.
İş çərçivəsində alimlər uşaqlarda dil bacarıqlarının inkişafı ilə bağlı əvvəlki araşdırmaları təhlil edib, həmçinin 34 ailənin iştirak etdiyi eksperiment keçiriblər. Onlar iki qrupa bölündülər.
Birincilərdən valideynlərə erkən dil inkişafını dəstəkləmək üçün xüsusi seçilmiş 20 uşaq kitabı verildi. Ailələr gündə ən azı bir kitab oxumağa və övladlarının bacarıqlarını xüsusi dil testi ilə qiymətləndirməyə razılaşıblar.
İkincidən olan valideynlər kitabla təmin olunmayıb, lakin onlar da sınaqdan keçirilib. Daha sonra tədqiqatçılar hər iki qrupun performansını müqayisə ediblər.
Mənbə: Lenta.ru
İctimai.az
