Cəbəllütariqdəki makakalar turistlərdən aldıqları qidanın əvəzini ödəmək üçün müntəzəm olaraq torpaq yeməyə başlayıblar.
Kembric Universitetinin tədqiqatçıları bu nəticəyə gəliblər. “The Guardian” qəzeti araşdırma haqqında məlumat verir.
Cəbəllütariqdə səkkiz ayrı qrupda yaşayan təxminən 230 makaka yaşayır. Yerli hakimiyyət orqanları onları hər gün meyvə, tərəvəz və toxumla təmin edir, turistlər isə onları müntəzəm olaraq kartof fri, şokolad batonları, M&M və dondurma ilə mükafatlandırırlar.
Heyvanları müşahidə edən alimlər aşkar ediblər ki, meymunlar insanlarla nə qədər tez-tez ünsiyyətdə olarsa, bir o qədər aktiv şəkildə torpaq yeyirlər. Bəzən bu, məşhur dondurma brendləri də daxil olmaqla, şirniyyat və fast food yedikdən dərhal sonra baş verir. Qışda, turist axını azaldıqda, makakaların torpaq istehlakı təxminən 30% azalır.
