Britaniyalı yazıçı Qevin Mortimer “The Spectator” üçün yazdığı məqalədə yazıb ki, Avropa hökumətləri ABŞ və İsrailin İrana qarşı hücumlarını dəstəkləməkdən çəkinirlər, çünki onlar AB-də yaşayan müsəlmanlardan qorxurlar.
Yazıçı qeyd edib ki, avropalıların İranda rejim dəyişikliyinə qarşı çəkinməsi Rusiyaya qarşı aqressiv münasibətləri ilə “kəskin şəkildə ziddiyyət təşkil edir”.
“Niyə bu fərq var? Rusiyanın bütün pis niyyətlərinə baxmayaraq, Qərbi Avropada vətəndaş iğtişaşlarını qızışdırmaq üçün vasitələri yoxdur. İran İslam Respublikasının isə imkanı var. Avropada təxminən 45 milyon müsəlman yaşayır ki, bu da ümumi əhalinin təxminən 6%-ni təşkil edir”, – deyə o yazıb.
Mortimerin sözlərinə görə, avropalı siyasətçilər “münaqişənin onların şəhərlərinin küçələrinə sıçraya biləcəyindən” və “bu narahatlıq əsassız deyil” deyə qorxurlar. O, həmçinin qeyd edib ki, Avropa hökumətləri “terror hücumları perspektivi”ndən narahatdırlar.
