Kanada Amerika prezidenti Donald Trampın ilhaq təhlükəsinə baxmayaraq, ABŞ-dan bir neçə HIMARS MLRS almaq istəyir.
Bu barədə “Ottawa Citizen” qəzeti yazır.
“Kanada Silahlı Qüvvələri Liberal hökumətin ABŞ istehsalı olan HIMARS-ları almasını istəyir”, – yazıda deyilir.
Nəşrin müəlliflərinin yazdığı kimi, HIMARS-ın alınması üçün müqavilə qeyri-rəqabət əsasında bağlana bilər. Kanada ordusu ABŞ Xarici Hərbi Satış (FMS) proqramı vasitəsilə bir neçə ədəd almağı təklif edir.
Kanada Müdafiə Nazirliyinin nümayəndəsi Kened Sadiku vurğulayıb ki, Trampın şimal qonşusunu ABŞ-ın 51-ci ştatı etmək təhdidlərinə baxmayaraq, Kanada Silahlı Qüvvələrinin tədarük qərarı ölkənin milli maraqları əsasında verilir.
