RİA Novosti xəbər verir ki, NATO-nun kəşfiyyat təyyarəsi cümə axşamı günortadan sonra Qara dəniz üzərində kəşfiyyat missiyaları həyata keçirib.
Agentliyin məlumatına görə, uzun məsafələrdə hava hədəflərini aşkar etməklə bütün hava şəraitində müşahidə, qırıcı təyyarələrə rəhbərlik və döyüş idarəetmə imkanları təmin edən Boeing E-3A Sentry hava erkən xəbərdarlıq təyyarəsi Türkiyənin Konya hava limanından qalxıb, ölkənin Qara dəniz sahili boyunca və Bolqarıstan üzərindən uçub.
Daha sonra Rumıniya ərazisinə daxil olub və Ukrayna ilə sərhəd yaxınlığında dövrə vurmağa başlayıb.
Moskva vaxtı ilə saat 16:00 radələrində təyyarə Bolqarıstan hava məkanına qayıdıb.
