Qara dənizdə taxıl dəhlizinin fəaliyyətinin bərpası məsələsi ilə bağlı rəsmi qərarlar hələ qəbul edilməyib.
Bu barədə TASS Türkiyə Müdafiə Nazirliyindəki mənbələrə istinadən məlumat yayıb.
Hərbi idarədən bildirilib ki, uzun müddətdən sonra Qara dəniz taxıl dəhlizinin bərpası beynəlxalq siyasi arenada yenidən gündəmə gəlib.
“Ancaq bu günə qədər bu məsələ ilə bağlı heç bir rəsmi qərar verilməyib. Türkiyə qlobal və regional sülhə töhfə vermək üçün əlindən gələni etməyə hazırdır”, – deyə mənbələr vurğulayıblar.
Onların fikrincə, əvvəllər taxıl dəhlizinin yaradılması dünyada ərzaq böhranının qarşısını almağa imkan verirdi. Türkiyə Müdafiə Nazirliyi əlavə edib ki, respublikanın səlahiyyətli orqanları bu problemin təkrarlanmaması üçün tədbirlər görməyə hazırdır.
